KUMPULAN SAJAK SUNDA

KUMPULAN SAJAK SUNDA

Ku  : YK Cancer 71

1. Dina Lalangse Hate

2. Fatamorgana 

3. Lain Pasang Subaya ( Duriat Kudu Ka Pegat ) 

4. Kaheman 

5. Sadar 

6. Duriat Nu Kungsi Pegat 

7. Sumerah Diri 

8. Kahayang 

9. Hanjakal 

10. Guratan Hate 

11. Geuning ? 

12. Kalangkang 

13. Rasa   

14. Milih Rabi 

15. Guratan hate K2 

16. Dedeuh Teuing Ema  

17. Carita Munggaran 

18. Aki - aki 

           

1. DINA LALANGSE HATE

Ku  : YK Cancer 71

Lir kapas kaibunan

Teu wasa batin nalangsa

Ngageri asa di gerihan hinis

Nu wasa ngan reumbay cimata

Ambeukan berurat 

Panasna dada

Cimata nu murubut ragrag

Lir sagara bedah nadada

Kudu kuat

najan Taya tangan pangawasa

Narima kadar ti nu maha suci

Leungiteun nu salawasna mirosea

Kiwari Tinggal waasna

Ngingetan Alam Katukang

Mangsa anjeun Me re Ungkara

Yen hirup mo salawasna

Sing Kuat Nahan Tunggara

Najan Nalangsa

Tetep Kudu  Miboga

Kakuatan iman na jero dada

2. PATAMORGANA

Ku  : YK Cancer 71

Hiji  Carita nu kungsi Kagambar

Dina lalakon mangsa katukang

Dina lambaran kahirupan

Nu salawasna Natrat  na sanubari

Bihari tepung lawung

Dina Kahirupan  nu nyata

Hanjakal Geus Lain – laina

Teu bisa majar kumaha

Najan hate ngagugulung

Hayang laksana micinta

Tapi ngan ukur patamorgana

Nu moal bisa laksana

Lir ibarat kalangkang heulang

Nu taya sudana Miharep

Taya tangan pangawasa

Sakabeh rusiah gusti nu miboga

3. LAIN PASANG SUBAYA

(Duriat Kudu Ka Pegat )

Ku  : YK Cancer 71

Nu Wasa Ukur Cimata

Marengan Panjangna Peuting

Sagara Bedah Na Dada

Nahan Tunggara Nu Teu Kendat

Nu nyaliara teu ilang – ilang

Najan di upahan

Kudatangna rasa

Nu kungsi minuhan lawang katresna

Anjeun mulang mawa beja

Ngan hanjakal lain wancina

Da bongan pasang subaya

Subaya taya bewara

Lain leungiteun hariwang

Lain meulitkeun kaheman

Tapi kadar nu ngawates

Dina sadar nu tetep matri

Tetekon ti nu maha suci

Manusa  kudu gumati

Najan kahayang kudu laksana

eta sagala rusiah gusti

4. KAHEMAN

Ku  : YK Cancer 71

Dalingding angin ti peuting

Mapaesan Taman Ka Bagja

Nu Nyangkaruk Dasaring Kalbu

Sumarambah Kana Bayah

Ngusapan lelembutan

Mulasara kaheman

Dina Haleuangna Rasa Katresna

Nyaliara Sosocaning Manah

Karasa tingtrim Ati

Najan ngan ukur sawangan

Dina lampahna kaheman
marengan Renghap Pangharepan

Dina galura Rasa

Nu kungsi Nyariara  na dada

Tetep Natrat na ati ning kalbu

Tapi  lalakon geus beda jamana

Nu moal kungsi kaguar deui

5. SADAR

Ku  : YK Cancer 71

Ngageri diri

Sumeredet taya reureuhna

Ngaliara lir digerihan hinis

Na iraha bisa laasna  

Janji na ati

Hirup salawasna ngahiji

Kudu kumaha ngubaranana

Sangkan amarah teu ngagulidag

Lir ibarat ombakna sagara  

Ngagulidag malidkeun tekad

Nu kungsi jadi udagan

Kaheman ngahiji salawasna

Kiwari tentrem lir ibarat

Ngocor na cai walungan

Tenang ayem tingtrim

Salawasna  

6. DURIAT NU KUNGSI PEGAT

Ku  : YK Cancer 71

Anjeun  datang

Sanggeus tujuh belas taun paturay

Dina dua kahirupan nu beda

Kaguar deui carita alam ka tukang

Hiji masa nu kungsi nyaliara na dada

Na kunaon bet aya geter nu karasa

Sumarambah na dasaring kalbu

Geuning nembongan najan teu di sambat

Deudeuh teuing asihna

Bet sadrah ku kahariwang

Nandangan tunggara kahirupan

nu can tangtu

7. SUMERAH DIRI

Ku  : YK Cancer 71

Sataun katukang

Mangsa anjeun aya di kieuna

Teu kungsi janji tinekanan

Naon nujadi udagan

Kiwari urang pajauh

Dina lembaran kahirupan

Nu beda ti bahari

Teu kahontal najan kajewang

Lain kuduna urang ngahiji

Dina kahirupan nyata

Eta man ngan saukur ngimpi

Nu moal aya tungtungna

Lain pasang subaya

Mun urang antukna pipisahan

Tapi hiji tekad sajati

Cinta mo salawasna ngahiji

8. KAHAYANG

Ku  : YK Cancer 71

Mangsa kuring miang

Dina harepan jeung impian

Ngudag kahayang

Nu teu acan kahontal

Meakeun kaheneg

Dalah kumaha jeung kamana

Neangan sagala karempan

Nu teu weleh nyantel

Najan wanci geus robah

Taya pisan bumela

Nembongan sagala udagan

Nu taya  laratanana

Ngan ukur lamunan wungkul

Ngan ukur kahayang wungkul

Bari iraha datangna mangsa

Nu mawa bagja miceun cimata

9. HANJAKAL

Ku  : YK Cancer 71

Mun kongang hayang nyarita

Mun wasa hayang miboga

Mun nasib hayang dirubah

Mun kadar baris sumerah

Taya rasa keur manehna

Taya semu keur deudeuhna

Taya kahayang keur dirina

Ngarobah laku lampah na

Naha bet kieu jadina

Maksakeun duriat sangkan teu pegat

Ngelehan mere ajen

Sangkan bisa kumbuh salawasna

Ngan hanjakal taya robahna

Tetep ngahiji dina beungkeutan

Tapi taya nu bisa ngayuman

Rasa asih jeung cinta na

10. GURATAN HATE

Ku : YK Cancer 71

Ngajerit  maratan Langit

Meakeun Jemplingna Peuting

Sumegruk ceurik na langsa

Ngelehkeun seahna Angin

Teu kampeuh ka ambek  

Teu kawadahan cimata

Ngaguludug geterna rasa

Ngaguruh  na jero dada

Gusti ..... na iraha laksana

Jadi manusa nu salawasna

Aya guna Jeung mangpaat

Bisa mere bagja ka sasama

Nu bisa ngan ukur reumbay cimata

Hanjelu  ku nasib diri

Nu salawasna tunggara

Ngingetan na iraha tinemu bagja

11. GEUNING ?

Ku : YK Cancer 71

Poe ieu , detik ieu

Kuring sumujud

Aya renghap nu nyugak

Nu hese diilangkeunnana

Najan dibarengan ku ceurik

Puluhan taun wancina

Teu bisa palid

Najan di kumbah ku rasa kaduhung

Naja di elap ku hajakal

Najan di sebor ku amarah

Taya nu bisa ngubaran

Hiji tapak lampah nirca

Geuning kitu kuduna

Muka lambaran anyar

Pinuh cucuk rungkang

Dina kahirupan kiwari

12. KALANGKANG

Ku  : YK Cancer 71

Aya hariwang nu ngalangkang

Dina Lambaran Kaheman

Natrat Dina Dada

Kecap Jangji Ngahiji

Ngan Iraha tinekanan  

ngambah sagara kahirupan

Nu can kungsi kahontal

Laksana sapaneja

Anjeun nu kapicangcam

Bet hate jadi kingkin

Ngingetan nu bakal datang

Weleh mo karandapan

13. RASA

Ku  : YK Cancer 71

Mukakeun lalangse hate

Dina lambaran carita

Nu teu weleh dilakonan

Najan pinuh kapeurih

Anjeun nu kungsi datang

Minuhan rasa kacinta

Sagala rasa nu miboga

Teu kendat  mumuntang

Ka gusti nu maha welas

Nu mulak malik kahirupan

Jauh keun sagala rasa

Nu teu bisa laas duka nu saha

Iwal anjeun nu miboga

Iwal anjeun nu kawasa

Leungitkeun rereged hate

Nu kungsi nyangkaruk nyangreud na ati

14. MILIH RABI

Duriat

Ku :  YK Cancer 71

Anjeun Lain  Udagan

Nu Kungsi Jadi Lamunan

Mang Taun Najan ngupahan

Tetep matri Lain Nu Anjeun

Kiwari Duriat Ngajadi

Dina Lengkah Nu Mawa Hariwang

Kana beungkeutan Nu Sajati

Na Saha Nu Subaya

Gusti nu kawasa iwal anjeun

Ngahijikeun jangji pasini

Najan Lain Kanu Di Piati

Tapi  Jalan Nu Kudu  gumati

Ngahijikeun dua diri

Sanajan Lain Kitu

Tapi Wayahna Kudu Jadi sa ati

Dina beungkeutan nu suci

15. GURATAN  HATE KA 2

Ku : YK Cancer 71

Taun Kataun Taya Nu pasti

Ngarepkeun hiji ungkara

Nu kedal lisan para pangais

Nu can kungsi kapimilik

Najan aya basa

Najan aya carita

Kabeh ngan saukur ngubaran

Sangkan urang tetep bela

Tapi urang teh manusa

Nu boga rasa kahayang

Sangkan hirup lewih nanjung

Kawas batur nu geus bisa

Taya pangait anu pasti

Pangbibita terus nyarita

Na iraha – na iraha

Laksana sapaneja

Iwal  gupati nu bisa bela

16. DEUDEUH TEUING EMA

Ku : YK Cancer 71

Lengkah teneung nyorang kahirupan

Mawa kanyaah anu teu laas

Di barung ku cinta anu wening

Dina lembaran katunggaran

Harita basa kasawang

Anjeun nyangsaya pasrah

Nandangan rasa nu kasiksa

Mangsa hareupan geus musnah

Dedeuh ema cipanon marengan

Sumegruk kuring ngado’a

Mugia allah nyarengan

Nepikeun kanyaah jeung  ka cinta kuring

Dedeuh ema

Urang bakal paamprok

Dina kaayaan anu sarua

Matrikeun asih jeung dedeuh

Do’a kuring marengan anjeun

17. CARITA MUNGGARAN

Ku : YK Cancer 71

Galindeng Sora Anjeun

Matak Betah Rarasaan

Nyalira Dina Raga

Mapaesan taman kabagjan

Kembang mawar ligar

Diambung seukeut

Sumarambah  kana bayah

Minuhan sanubari

Mikangen tresna munggran

Naratas dina galindeng kaeling

Taya wates taya halalang

Matri dina sela sela harepan

18. AKI – AKI

Ku : YK Cancer 71

Ketrok – ketrok

Aha oho nyesek na dada

Lenggut teu kuat tunduh

Nahan hanaang jeung lapar

Lenggut – lenggut , gujubar

Katatang – koteteng neang iteuk

Batuk batur hirup

Iteuk batur leumpang

Saha anu resep ?

Saha anu ngewa

Tapi bakal karasa

Lamun tepi kana waktuna